Протестите одржани во Тирана поминаа со тензии и судири меѓу демонстрантите и полицијата, додека во текот на вечерта беа регистрирани инциденти во неколку делови од главниот град на Албанија.
Демонстрантите фрлаа петарди и пиротехнички средства кон седиштето на Социјалистичката партија, додека полицијата употреби солзавец и маневарска муниција за да ја растера толпата, објави Албански пост.
Тензично беше и на плоштадот Скендербег, каде што полициски возила ги бркаа демонстрантите.
За време на интервенциите, полицајците бркале неколку лица низ улиците на градот и користеле гумени палки.
Во еден инцидент, полицијата фатила еден демонстрант и го претепала со гумени палки, додека неколку млади луѓе биле приведени и во центарот на Тирана и околу ресторани, според „Албански пост“.
Albanien ist gefallen. pic.twitter.com/64p52KX2w0— ColdJack (@TheColdJack) October 15, 2026
Друг инцидент се случил во близина на Националната опера и балет , на плоштадот Скендербег, кога полицијата се обидела да приведе малолетник. Граѓаните, претежно жени, се спротивставиле на интервенцијата, барајќи младиот човек да не биде приведен.
За време на другите апсења, некои граѓани, исто така, протестираа против постапките на полицијата.
Беа изнесени обвинувања за физичко насилство и психолошки притисок врз млади луѓе , додека околностите на тие настани сè уште не се целосно разјаснети, наведува порталот.
Rockets Turn Tirana Into A War Zone On Day 7 Of Anti-Government RiotsProtesters launched pyrotechnics directly at riot squads, setting dumpsters ablaze during the seventh straight day of escalating anti-government rallies. pic.twitter.com/RlH4gbq9B3— RT_India (@RT_India_news) October 20, 2026
Демонстрантите, исто така, користеа симболични банкноти во вредност од 2.500 евра, исмевајќи го ветувањето на албанскиот премиер Еди Рама за парична награда за припадниците на државната полиција.
Во текот на вечерта, едно лице ја изгубило свеста во делот од градот познат како Тајван, каде што му била укажана прва помош од присутните граѓани и медицинскиот персонал.
Las protestas masivas contra el gobierno en la capital de Albania, Tirana, siguen desde hace varias semanas, causando importantes daños y lesiones. Enfrentamientos diarios en las calles entre los manifestantes y la policía albanesa. https://t.co/VEaidmqEUR pic.twitter.com/nwIFSjQVdz— † Rafa Folgado נוֹצְרִי (@elsoberado) October 20, 2026
Во близина на филијалата на банката што беше нападната претходните денови, безбедносните мерки се зголемени со поставување метални бариери и ангажирање приватно обезбедување.
Протестите предводени од студенти се одржуваат во Албанија веќе седми ден , кои започнаа поради незадоволство од состојбата на образованието, високите трошоци за студирање и слабите можности за вработување на младите, но се претворија во пошироки демонстрации против владата на албанскиот премиер Еди Рама, со барања за негова оставка.
The post Тирана како воена зона; На улиците започнаа брутални конфронтации appeared first on Во Центар.
