Кристијано Роналдо се огласи на социјалните мрежи откако беше критикуван по првиот натпревар на Португалија на Светското првенство.
Имено, португалската репрезентација одигра 1:1 против ДР Конго, а дел од јавноста го оцени настапот на Роналдо како премногу индивидуалистички.
Неговата објава на Инстаграм дојде откако зборовите на Жоао Невес предизвикаа голем број реакции. Португалскиот играч од средниот ред зборуваше за улогата на Роналдо во тимот и нагласи дека сега се третира како и секој друг член на националниот тим.
„Знаеме што направил за нашата репрезентација, но во овој момент и тој и сите други го гледаат како уште еден соиграч кој доаѓа да помогне. Тој не е различен од другите и ќе придонесе како и сите други“, рече Невес.
Многумина ја протолкуваа неговата изјава како непочитување кон Роналдо, еден од најголемите фудбалери во историјата. Роналдо објави фотографија во својата сторија која потсетува на неговата одлична кариера и покрај неа напиша: „Фокусирај се на она што можеш да го контролираш“.
Искусниот напаѓач подоцна објави фотографија од репрезентацијата со пораката: „Секогаш обединети“.
The post Роналдо реагираше на критиките по ремито со ДР Конго: „Фокусирајте се на она што можете да го контролирате“ appeared first on Во Центар.
