Мал авион денеска претпладне се урна во близина на местото Роковци кај Винковци, Хрватска. Несреќата се случила околу 10:05 часот, потврди полицијата за хрватскиот портал „Индекс“.
Од полицијата информираат дека пилотот бил пронајден во тешка состојба и, и покрај обидите за реанимација, починал.
На местото на несреќата биле упатени сите надлежни итни служби, а кон местото на падот бил испратен и хеликоптер на итната медицинска помош.
Засега нема дополнителни информации за причините за падот. Надлежните служби работат на утврдување на околностите под кои се случила несреќата.
