Иранската Исламска револуционерна гарда (ИРГЦ) денеска соопшти дека со балистички ракети нападнала американски носач на авиони и разурнувач на американската Воена морнарица, тврдејќи дека и двата брода биле оштетени и се повлекле од подрачјето.
IRIB claims Iran targeted three vessels in the Strait of Hormuz and three American ships. Tehran says the strike is retaliation for U.S. attacks on three Iranian tankers. pic.twitter.com/jeFAGZZvKk
— Open Source Intel (@Osint613) September 5, 2026
ИРГЦ во соопштението објавено од новинската агенција ИРНА наведе дека нејзините воздушно-космички сили истрелале ракети кон двата воени брода.
Според тврдењата на ИРГЦ, американските бродови ги вознемирувале иранските пловила и учествувале во поморска блокада, а од гардата додаваат дека двата воени брода ја напуштиле „зоната на дејствување“ откако претрпеле оштетувања.
ИРГЦ соопшти дека Централната команда на американската војска (CENTCOM) потврдила дека два воени брода биле цел на напад, што иранската страна го опиша како потврда на операцијата.
Американската Централна команда, сепак, соопшти дека иранските балистички ракети биле избегнати од двата американски воени брода и дека нема повредени американски припадници.
Иранската Револуционерна гарда исто така предупреди дека продолжувањето на американските воени дејства ќе предизвика уште посилен одговор од иранските вооружени сили.
Во одвоено соопштение рано утрово, ИРГЦ наведе дека нејзината морнарица нападнала американски воен брод со далечинско управување, за кој тврди дека се обидувал да влезе во заштитеното подрачје на Ормускиот теснец.
Гардата повторно го изнесе ставот на Техеран дека Ормускиот теснец е под управување на Иран и порача дека САД треба да го напуштат регионот.
It’s simple: if Iran shoots at U.S. ships, we will destroy (and sink) their oil tankers. All they have to do is not shoot at @USNavy.
Iran’s oil tanker fleet is defenseless — Iran has no navy or air force. Our planes, ships & subs can strike them all, in @CENTCOM & @USPACOM. https://t.co/lr5TaxloBw
— Pete Hegseth (@PeteHegseth) September 5, 2026
Тврдењата на ИРГЦ доаѓаат во услови на нова ескалација меѓу Иран и САД. Американската војска претходно соопшти дека извршила напади врз три ирански нафтени танкери, како одговор на ракетниот напад врз американските воени бродови.
