Израелскиот премиер Бенјамин Нетанјаху ги отфрли обвинувањата на „Фајненшл тајмс“ дека претходно овој месец планирал напад врз Иран, но дека во тоа бил спречен од американскиот претседател Доналд Трамп, кој не сакал обнова на конфликтот.
„Тој извештај не е точен“, рече Нетанјаху и додаде дека нема да даде детали за тоа што неодамна разговарале тој и Трамп , објави телевизијата Канал 7.
Повикувајќи се на неименувани извори, „Фајненшл тајмс“ вчера објави дека Нетанјаху планирал да започне напади врз Иран на почетокот на октомври , но дека Трамп се спротивставил на тоа.
Според изворот, израелската војска била подготвена да започне напади врз иранските нуклеарни постројки и постројки поврзани со иранските власти, како и цивилната инфраструктура, вклучително и енергетските постројки, во текот на викендот на 10 октомври .
Планираните напади, рече изворот, ќе бидат поинтензивни од нападите извршени од САД и Израел во февруари.
Еден од изворите изјави дека не е исклучено судирите да се обноват во наредните недели.
Според весникот, Израел подготвил нов список на цели, кој вклучува цивилни инфраструктурни објекти кои претходно не биле нападнати.
Нетанјаху синоќа изјави дека Иран се обидува да го унапреди развојот на сопствено нуклеарно оружје и дека Техеран „сè уште не ја научил лекцијата“.
Според него, постои само еден начин да се отстрани заканата од нуклеарно оружје, а тоа е, како што рече, соборување на режимот во Иран.
„Ова е и моја директива до армијата, Мосад и безбедносните служби“, рече тој.
The post Нетанјаху бесен: „Не е вистина“ appeared first on Во Центар.
